Go phela ka dinotagi
Dika tša gona
Naa bothata bjop bo ka thibelwa bjang, gona ke dire eng?
Nka hwetša kae thušo goba maele?
Naa bothata bjop bo ka thibelwa bjang, gona ke dire eng?
Tsela ye kaone ya go thibela go nwa madila ka tsela ye e sa lokago ke go a efoga. Go batho ba bangwe ye ke yona tsela mola go ba bangwe go sa kgonagale. Lebelela maswao a a latelago:
Ge motho a ikwa gore o nyaka go nwa madila ebile a ka se phele ntle le ona.
Motho o rata go nwa a nnoši rata go nwa ka sephiring, o iphihlile
Ba leloko le bagwera ba go botša gore o nwa madila go fetiša tekano
Ge e le gore go bjalo, leka go emiša go nwa madila. Ge o palelwa hwetša thušo ka potlako. Tsela ya ka pejana ya go hwetša thušo ke go emiša go nwa madila. Thušo ya meriana e a hlokega ka nako ye nngwe go thuša bao ba nwago kudu. Go na le dihlophana tšeo di hlomilwego go thuša batho ba go swana le ba. Batho bao ba nago le maloko a lapa bao ba nwago ba eletšwa gore ba se nwe madila.
Dika tša gona
Go na le dika tše di bontšhago gore go nwa bjala go fihlile seemong sa go tliša 'mathata' mmeleng wa motho:
Go palelwa ke go laola mokgwa wo o nwago ka wona
O ba le phetogo ye mpe ya mmele ge o nwele
Go nwa go gwahlafatša mokgwa wa gago wa go phela le batho le setswalle
Dikgakgaruru di ka amanywa le go nwa bjala
Go boima go hlatha gore ke mang yo a lego kotsing ya go ba le mathata a go tlišwa ke go nwa bjala. Batho ba babedi ba ka nwa madila a go lekana ka nako ye e swanago efela yo mongwe wa bona a tlwaela go phela ka bjala (addicted) mola yo mongwe a ka kgona go tlogela bjala ge a rata go dira bjalo. Go itaetša o kare motho o ba kotsing ye kgolo ge a na le motho wa leloko yoo a laolwago ke madila.
Madila a ka hlola tshenyo le ge motho a sa ineela go ona kudu. Mohlala, motho yo a nwelego gomme a otlela o ba kotsing ya go amega kotsing ya sefatanaga goba basenyi ba ka hwetša sebaka sa go mo hlakola.
Nka hwetša kae thušo goba maele?
Bolela le mooki goba ngaka kliniking ya geno. O swanetše o ikopanye le SANCA goba Alcoholics Anonymous tša kgauswi le wena.
